धक्कादायक बातमी.! पोलीस वर्गमित्राने 36 वर्षीय मैत्रिणीचा गळा आवळून हत्या करुन मृतदेह शौचालयाच्या टाकीत

प्रतिनिधी

चद्रपूर : चिमूर येथील गेल्या काही दिवसांपासून बेपत्ता असलेल्या महिलेचा मृतदेह आज (दि.10) नागपूर शहराजवळील हरिश्चंद्र वेळा गावाजवळ निर्जनस्थळी आढळून आला आहे. अरुणा काकडे (वय 37) असं मृतदेह आढळून आलेल्या महिलेचे नाव आहे.अरुणा काकडे या 26 नोव्हेंबर रोजी नागपुरातील इतवारी मार्केटमध्ये दुकानातील सामान खरेदी करण्यासाठी गेल्या होत्या. मात्र, परतल्या नाहीत. त्यामुळे कुटुंबियांनी चिमूर पोलीस स्टेशनमध्ये तक्रार दाखल केली होती. दरम्यान, या महिलेच्या हत्येप्रकरणात पोलीसांनी नरेश डाहूले या चंद्रपूर स्थानिक गुन्हे शाखेतील निलंबित पोलीस कर्मचाऱ्याला अटक केली आहे.नेमकं प्रकरण काय?पोलिसांनी दिलेल्या माहितीनुसार, चिमूर येथील देवांश जनरल स्टोर्सच्या संचालिका अरुणा काकडे या 26 नोव्हेंबर रोजी नागपुरातील इतवारी मार्केटमध्ये दुकानातील सामान खरेदी करण्यासाठी गेल्या होत्या. मात्र, त्या घरी न परतल्याने कुटुंबियांनी चिमूर पोलीस ठाण्यात तक्रार दाखल केली होती. त्यानुसार नागपूर आणि चंद्रपूर पोलिसांनी संयुक्तपणे या प्रकरणाचा तपास करत आरोपीचा छडा लावला आहे. निलंबत पोलीस कर्मचारी नरेश डाहूले याने अरुणा काकडे या महिलेचा खून केल्याचे उघड झाले आहे.मृत महिला आणि आरोपी वर्गमित्रअरुणा काकडे आणि आरोपी नरेश डाहूले लहानपणापासून एकाच शाळेत शिकले असून दोघे वर्गमित्र होते. 26 तारखेला मृत अरुणा आणि आरोपी नरेश नागपूरला एकत्र होते. दरम्यान, या दोघां मध्ये गेल्या काही दिवसांपासून खटके उडत होते. दोघे नागपूरला गेले असताना दोघांमधील वाद विकोपाला गेला आणि आरोपीने अरुणा यांचा गळा आवळून हत्या केली.दरम्यान, महिलेचा खून केल्यानंतर आरोपीने तिचा मृतदेह हरिश्चंद्रवेळा येथील निर्जनस्थळी असलेल्या एका घरातील शौचालयाच्या टाकीत लपवून आरोपी फरार झाला होता. मात्र, पोलिसांनी कॉल रेकॉर्डच्या मदतीने आरोपीचा शोध घेतला. चंद्रपूर स्थानिक गुन्हे शाखेत कर्मचारी असलेल्या नरेश डाहूलेचा चंद्रपूर शहरातील अनेक घरफोड्यांमध्ये समावेश आढळला होता. याच आरोपावरून त्याला मागील वर्षी अटक करून पोलीस दलातून निलंबित देखील करण्यात आले होते. या घटनेचा पुढील तपास पोलीस करत आहेत. अशी माहिती सूत्राकडून मिळाली नुसार