मोहोळ नगरपरिषदेचे मुख्याधिकारी डॉ. योगेश डोके यांच्या शुभहस्ते सामाजिक कार्यकर्ते राहुल तावसकर यांचा सन्मान
मोहोळ दि. ( प्रतिनिधी ):
स्वातंत्र्यदिना निमित्त मोहोळ नगरपरिषदेचे मुख्याधिकारी डॉ. योगेश डोके यांच्या शुभहस्ते सामाजिक कार्यकर्ते राहुल तावसकर यांना राष्ट्रध्वज देऊन सन्मान करण्यात आले. यावेळी मोहोळ नगरपरिषदेचे ब्रँड अॅम्बेसिडर राजन घाडगे, अखिल भारतीय ग्राहक पंचायत मोहोळ तालुका अध्यक्ष दत्तात्रय कुलकर्णी आदि. उपस्थित होते. ब्रिटिश कालीन पिशाची विहीर या नावाने परिचित असणारी जुन्या घडीव दगडी बांधकामाने मजबूत चाटी गल्ली येथील भागात विहीर अस्तित्वात आहे. या भागात वास्तव्यात असणाऱ्या नागरिकांना पाण्याच्या झळा सातत्याने निर्माण होतात. या भेडसावणाऱ्या समस्याचा भौगोलिक अभ्यास करून पाण्याचा जलस्त्रोत निर्माण करता येईल का याचा अभ्यास करून मोहोळ शहरातील सामाजिक कार्यकर्ते व या भागात राहणारे राहुल तावसकर व त्यांच्या सहकारी मित्रांनी या दगडी विहिरीतील असणारा कचरा व गाळ काढल्यास या विहिरीतील पाणी वापरता येईल व पाण्याची होणारी गैरसोय थांबेल हे लक्षात आल्यानंतर राहुल तावसकर यांनी याचा पुढाकार घेऊन प्रत्यक्ष कामास सुरुवात केली. या कामात अमोल महामुनी, ऋषी गोटे, बारकू गायकवाड, उमेश अष्टूळ, विलास म्हमाणे, अरुण भांगे, अभय पिलीकर, किशोर जाधव, मल्हार शेलार, पुंडलिक जाधव, संजय स्वामी सह अनेकाचे सहकार्य मिळत गेले. हे कामांस सुमारे १३८ दिवस लागले या विहिरीतून १९ ट्रॉली गाळ व कचरा काढण्यात आला. आपल्या दैनंदिन कामातून सकाळी सहा ते दहा या वेळेत व शनिवार व रविवार रोजी संपूर्ण दिवस काम केले आज या विहिरीतून सुमारे तीन ते चार हजार लोकांना पाण्याची सोय झालेली आहे. तसेच, या परिसरांची स्वच्छता राखत येते लहान मुलांना खेळण्यासाठी बालोद्यानाची निर्मिती करण्यासाठी प्रयत्न करित आहेत. निर्मल्य टाकू नये करिता विहिरीला संपूर्ण जाळीचे आच्छादन करण्यात येणार आहे. राहुल तावसकर यांनी केलेल्या कार्याची दखल घेऊन त्यांना सामाजिक कार्यकर्तेने कार भेट दिली आहे. काही ठिकाणी त्यांचा सन्मान करण्यात आला आहे. दशरथ मांझी यांच्या पुस्तकातून प्रेरणा मिळालीचे तावसकर यांनी सांगितले.
*🔷🔶🔷🔶🔷🔶🔷🔶🔷🔶आपल्या परिसरातील ताज्या घडामोडी व बातम्या आणि जाहिराती “२४मराठी न्यूज” मध्ये देण्यासाठी संपर्क करा संपादक- श्री लखन साळुंखे पंढरपूर, ☎️९७६४२०२०२१🔷🔶🔷🔶🔷🔶🔷🔶🔷🔷ताज्या बातम्या, मनोरंजन, तसेच व्हायरल बातम्यांसाठी आमचा व्हॉट्स अॅप ग्रुप ला जॉईन करा🙏🏻☎️८२०८३०८७८७📧 lakhansalunkhe75@gmail.com*
