सोलापूर ग्रंथोत्सव २०२३ चे पंढरपूर येथे फेब्रुवारी अखेर होणार आयोजन

पंढरपूर तालुका प्रतिनिधी

सोलापूर जिल्ह्यातील ग्रामीण व शहरी जनतेत वाचन संस्कृती रुजावी. ग्रंथ प्रेमींना एकाच ठिकाणी विविध ग्रंथ, साहित्य आणि वाड्.मय विषयक पुस्तके उपलब्ध व्हावीत, प्रकाशक आणि ग्रंथ विक्रेत्यांना एकाच ठिकाणी ग्रंथ विक्री करता यावी याच उद्देशाने जिल्हा ग्रंथालय अधिकारी कार्यालयाच्या वतीने पंढरपूर शहरामध्ये फेब्रुवारी अखेर दोन दिवसीय कालावधीत ग्रंथोत्सवाचे आयोजन करण्यात येणार असल्याची माहिती जिल्हा ग्रंथालय अधिकारी संतोष जाधव यांनी दिली.श्रीमती. शालिनीताई इंगोले, सहाय्यक ग्रंथालय संचालक, पुणे तथा अध्यक्ष ग्रंथोत्सव आयोजन समिती सोलापूर यांच्या अध्यक्षतेखाली जिल्हा ग्रंथालय अधिकारी कार्यालय येथे बैठक संपन्न झाली.जिल्हा ग्रंथोत्सव समितीच्या बैठकीत सर्व ११ तालुक्यामध्ये तालुका ग्रंथालयांच्या वतीने ग्रंथदिंडीचे आयोजन करण्याचा निर्णय घेण्यात आला. जिल्हास्तरीय निबंधस्पर्धाचे आयोजन करण्यात आले असून समाज माध्यमात वाचन संस्कृतीचे महत्व या विषयावर खुले गटातून निबंध मागविण्यात आले आहे तर शालेय विद्यार्थी गटातून मला आवडलेले पुस्तक या विषयावर दिनांक १० फेब्रुवारी २०२४ पर्यंत निबंध मागविण्यात आले आहेत. सदर निबंध सोलापूर जिल्हयातील सर्व तालुक्यातील तालुका ग्रंथालय येथे स्विकारण्यात येतील. तसेच अधिक माहितीसाठी समितीचे सदस्य कुंडलीक मोरे ९४०४६६६४८८ यांच्याशी संपर्क करावा.या वेळी जिल्हा माहिती अधिकारी सुनील सोनटक्के, सोलापूर जिल्हा ग्रंथालय संघाचे अध्यक्ष विजय पवार, गुलाबराव पाटील, कार्यवाहक साहेबराव शिंदे, अन्सार शेख, महाराष्ट्र साहित्य परिषदेचे प्रतिनिधी पद्माकर कुलकर्णी, कल्यानराव शिंदे, ग्रंथालय कार्यकर्ते ग्रंथमित्र कुंडलीक मोरे, प्रकाश शिंदे, तालुका ग्रंथालयाचे ग्रंथपाल धोंडीराम जेऊरकर, दत्तात्रय बाबर, सुधाकर खैराटे, सुरेश यादव, छायाताई आखाडे, ज्ञानेश्वर कुलकर्णी, प्रविन पाठक, रणजित भंडारे, श्रीमती गीताताई देशपांडे, दत्तात्रय घोलप, दिलीप देशपांडे, ग्रंथालय निरिक्षक प्रमोद पाटील, प्रदीप गाडे, जिल्हा ग्रंथालय अधिकारी संतोष जाधव आदि मान्यवर यावेळी उपस्थित होते.सदर दोन दिवसीय कालावधीत विविध सांस्कृतिक कार्यक्रमांसह ग्रंथप्रदर्शन व विक्रीचे आयोजन करण्यात येणार असून साहित्य अकादमी, शासकीय प्रकाशने, बालभारती, शब्द शिवार प्रकाशने, ऋषिकेश बुक एजन्सी, नंदादिप प्रकाशन, सुविद्या प्रकाशन, नाथ प्रकाशन सातारा, अरविंद बुक डेपो, पुणे, युनिक प्रकाशन पुणे अशा विविध प्रकाशनांची ग्रंथ दालने उपलब्ध होणार असून सोलापूर जिल्हयातील ग्रंथ व वाचक प्रेमींनी या ग्रंथ महोत्सवाचा लाभ घ्यावा असे आवाहन जिल्हा ग्रंथालय अधिकारी यांनी केले आहे.

🔷🔶🔷🔶🔷🔶🔷🔶🔷🔶आपल्या परिसरातील ताज्या घडामोडी व बातम्या आणि जाहिराती “२४मराठी न्यूज” मध्ये देण्यासाठी संपर्क करा संपादक- श्री लखन साळुंखे पंढरपूर, ☎️९७६४२०२०२१🔷🔶🔷🔶🔷🔶🔷🔶🔷🔷ताज्या बातम्या, मनोरंजन, तसेच व्हायरल बातम्यांसाठी लाईक करा सबस्क्राईब करा शेअर करा आमचा व्हॉट्स अॅप ग्रुप ला जॉईन करा🙏🏻☎️८२०८३०८७८७📧 lakhansalunkhe75@gmail.com