श्रद्धा इंग्लिश मिडियम, व श्रद्धा विद्या मंदिर मोहोळ यांचा “अंतरंग” वार्षिक स्नेहसंमेलनाचा सोहळा संपन्न.   

24 मराठी न्यूज

मोहोळ तालुका प्रतिनिधी ( राजेश शिंदे ) 

मोहोळ : गजानन बहुउद्देशीय संस्था मोहोळ संचलित श्रद्धा इंग्लिश मिडियम स्कूल आणि श्रद्धा विद्यामंदिर मोहोळ यांच्या संयुक्त विद्यमाने “अंतरंग” वार्षिक स्नेहसंमेलनाचा बाल चिमुकल्यांचा कलाविष्काराचा सोहळा “तारा लॉन्स” मोहोळ या ठिकाणी साजरा झाला.       

या कार्यक्रमाप्रसंगी प्रमुख पाहुणे म्हणून मोहोळ तालुक्याचे माजी आमदार मा. श्री राजनजी पाटील हे उपस्थित होते. त्यांनी उपस्थितांना मोलाचे मार्गदर्शन केले. या कार्यक्रमासाठी प्रमुख उपस्थिती म्हणून कौशिक गायकवाड, वैभव गुंड, प्रकाश चवरे, प्रमोद डोके, रवी पाचपुंड हे मान्यवर उपस्थित होते. या सर्व मान्यवरांचा स्वागत व सत्कार शाल, श्रीफळ, गुलाबगुच्छ देऊन संस्थेचे सचिव मा. श्री सुनील झाडे सर यांनी केला.   श्रद्धा संकुलाच्या बालकलाकारांच्या कलाविष्काराचा कार्यक्रम अत्यंत आनंदी वातावरणात पार पडला. या कार्यक्रमांमध्ये विविध नृत्याविष्कार साजरे करण्यात आले. यामध्ये देशभक्तीपर, शेतकरी, तेलगू, कन्नड, मराठी, हिंदी, विनोदी नृत्य सादर करण्यात आले. या कार्यक्रमाचे खास आकर्षण म्हणजे “शिवराज्याभिषेक सोहळा” हे ठरले. हिंदवी स्वराज्याचे संस्थापक छत्रपती शिवाजी महाराज यांच्या जन्मापासून ते शिवराज्याभिषेकापर्यंतच्या चरित्र वर्णनात्मक नृत्यामुळे प्रेक्षक वर्गातून कार्यक्रमाला भरभरून प्रतिसाद मिळाला.        

 हा कार्यक्रम यशस्वीरित्या पार पाडण्यासाठी श्री मिलन ढेपे, धरती पाटील मॅडम, मुख्याध्यापक दिनेश नरळे, वीणा कदम, फुलचंद साळुंखे, निलेश जाधव, अजितकुमार जाधव सांस्कृतिक विभागप्रमुख विद्या पवार, प्राजक्ता आवारे, सलमान मुल्ला तसेच संस्थेतील सर्व शिक्षक व शिक्षकेतर कर्मचारी यांचे मोलाचे योगदान लाभले.

*🔷🔶🔷🔶🔷🔶🔷🔶🔷🔶आपल्या परिसरातील ताज्या घडामोडी व बातम्या आणि जाहिराती “२४मराठी न्यूज” मध्ये देण्यासाठी संपर्क करा संपादक- श्री लखन साळुंखे पंढरपूर, ९७६४२०२०२१🔷🔶🔷🔶🔷🔶🔷🔶🔷🔷ताज्या बातम्या, मनोरंजन, तसेच व्हायरल बातम्यांसाठी आमचा व्हॉट्स अॅप ग्रुप ला जॉईन करा🙏🏻८२०८३०८७८७*